Plantun de Prouvènço

Pèr coumpara dos planto d'encò nostre

Allium sphaerocephalon & Asparagus acutifolius

Aiet-fèr

Allium sphaerocephalon

Amaryllidaceae Alliaceae

Àutri noum : Aiastre, Cebihoun, Aihado.

Nom en français : Ail à tête ronde.

Descripcioun :
L'aiet-fèr flouris à la primo, d'uno poulido coulour vióuleto, dins li tepiero seco e li roucaio de colo e de basso mountagno. Se recounèis à si fielat d'estamino di tres coustat e à si fueio boutisso. L'espate soubro sus l'enflourejado un moumen au contro de l'aiet-redoun qu'a éu li fueio plato.

Usanço :
Aquest aiet èi gaire acampa en Prouvènço, pamens li tèsto coume li fueio soun manjadisso cruso o cuecho.

Port : Erbo
Taio : 30 à 70 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Vióuleto
Petalo : 6
Ø (o loungour) enflourejado : 1,5 à 4 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à juliet

Liò : Roucaio - Tepiero seco - Garrigo
Estànci : Mesoumediterran à Mountagnard
Couroulougi : Eurimediterano
Ref. sc. : Allium sphaerocephalon L., 1753

Espargo-fèro

Asparagus acutifolius

Asparagaceae

Àutri noum : Aspàrgou, Espargasso, Roumanin-couniéu, Roumiéu-couniéu, Pèd-de-Róumi.

Nom en français : Asperge sauvage.

Descripcioun :
L'espargo-fèro es uno planto bèn couneigudo de nòsti garrigo e éusiero. A la fin de l'ivèr sort de terro, èi lou moumen de l'acampa ! Pièi la tijo devèn duro coume uno co-rudo. Flouris tardié, raramen avans juliet.

Usanço :
Coume l'avèn di, s'acampo à la primo pèr li meleto. La planto èi proun bono pèr la santa, richo en vitamino (A, B, C, PP...) e en sau mineralo (P, Mn...). Fai pissa (óudour de 1,2-ditiole) e es un pau lachativo.